5-6 жастағы балаларда дербестікті дамыту бойынша эксперименттік зерттеу.

Abstract

Қазіргі қоғамға тез бейімделгіш, белсенді және шығармашыл тұлғаны даярлау мектепке дейінгі ұйымның негізгі талабы. Тәрбиешіні бірінші кезекке білімнің тәрбиелік маңызын, яғни баланы өсіп келе жатқан іс-әрекет субъектісі ретінде, оның еркін дамуы мен педагогикалық басшылық арасындағы тепе-теңдікті орнатуға бағыттайды. Педагогтар мен ата-аналардың балалар дербестігін тәрбиелеуге баса назар аударуы қазіргі өмір салтымен, тұлғаның әлеуметтік және интеллектуалдық белсенділігінің өзгеруімен анықталады. Болашақта мектепке дейінгі және мектеп жасындағы зияткерлік қабілеттердің қалыптасу деңгейі көбінесе адамның ақпараттың жылдам ағымында шарлау және оның алдында тұрған міндеттерді өз бетінше шешу мүмкіндігімен анықтайды. Міндеті: 5-6 жастағы балаларда дербестіктің қалыптасу деңгейін анықтау. Зерттеу әдісі ретінде сандық тәсіл қолданылды. Бұл зерттеуге 36 адам қатысты, 4 әдіс қолданылды. «Дербестік» ұғымына, дербестіктің дамуына әсер ететін факторларға, сонымен бірге ата-аналардың рөліне сараптама жасалды. Тұжырымдай айтсақ, зерттеу нәтижелері 5-6 жастағы балаларда дербестікті қалыптастыру үшін мектепке дейінгі ұйым педагогтарына жүйелі және мақсатты түрде жұмыс істеу қажет екенін көрсетеді.