Қазіргі жағдайдағы аграрлық туризмді дамытудың теориялық негіздері

Abstract

Мақалада жаңа балама жұмыс орындарын құру жəне ауылдық аумақтарды дамыту арқылы ауылдық жерлерде əлеуметтік шиеленісті төмендетуге ықпал ететін аграрлық туризмді дамыту қарастырылған. Авторлар аграрлық туризм субъектілерін анықтаған: ауыл тұрғындары, қосалқы шаруашылық иелері жəне фермерлік шаруашылықтар. Аграрлық туризмді дамыту субъектілерді, олардың отбасыларының, ауыл тұрғындарының табыстарын, жергілікті бюджеттердің кірістерін ұлғайтып, қаржы қаражаттармен қамтамасыз етеді. Мақалада ауылдық аумақтардың табиғи-экологиялық жəне мəдени- тарихи ресурстарымен қатар, туристерді қабылдауға бейімделген тұрғын үй қорына басты назар ауда- рылды: фермаларда қожайынмен бір тұрғын үйге орналастыру, барлық үйді жалға алу, ауылдық жер- лерде тарихи ғимараттарда тұру, ауылдық қонақ үйде жеке тұру жəне басқалар. Авторлардың пікірінше, демалыс мақсаттарына байланысты аграрлық туризмді келесі түрлерге бөлуге болады: сауықтыру, дəстүрлі, білім беру, ауыл шаруашылығы, аспаздық, аралас туризм. Мақалада аграрлық туризмнің пайда болуының негізгі себептері мен даму бағыттары айқындалған: ол шағын бизнесті да- мытады; жаңа жұмыс орындарын құрады; ауылдық жерлердің инфрақұрылымын экономикалық тұрақтандыруға жəне жетілдіруге ықпал етеді; ұлттық тағамдар мен тарихи-мəдени мұраны сақтайды.