Электрондық мəмілені жүзеге асыру кезіндегі коммерциялық құпияны қорғаудың құқықтық негіздері

Abstract

Зерттеудің мақсаты электрондық мəмілені жүзеге асырудағы құқықтық қатынастарды қарастыру жəне ондағы коммерциялық құпияны қорғау саласында ұсыныстар əзірлеу. Электрондық мəмілені жүзеге асыру кезіндегі коммерциялық құпияның қауіпсіздігі ақпараттық қауіпсіздікті қамтамасыз ету саласында өзекті болып саналады. Құпия ақпаратты қорғаудың көптеген шаралары оның техникалық шаралардың өзі көптеген жағдайда жетімсіз болып жатады. Зерттеу əдістері ретінде диалектикалық, талдау (анализ), салыстырмалы құқықтық талдау қолданылды. Атап айтсақ, электронды мəмілелер туралы қазақстандық заңнаманың дамуын зерттеуде диалектикалық əдіс қолданылса, талдау (анализ) əдісі электрондық мəмілені жүзеге асырудағы коммерциялық құпияны құқықтық қорғаудағы қол жеткізген жетістіктерді бағалауда, ондағы проблемалар мен кемшіліктерді анықтауда пайдаланылды. Сонымен бірге, шетелдерде элктрондық мəмілені жүзеге асыруда коммерциялық құпияның қорғалу дəрежесін анықтау мақсатында салыстырмалы құқықтық талдау əдісі пайдаланылды. Зерттеу барысында төмендегідей нəтижелерге қол жеткізілді: а) электрондық мəмілені жүзеге асырудағы коммерциялық құпияны қорғау ғылыми зерттеудің объектісі ретінде отандық заң ғылымында алғашқы рет қаралғандығы зерделенді; ə) электрондық мəмілені жүзеге асыруда коммерциялық құпияны қорғаудың өзектілігі мен оны құқықтық қамтамасыз етудегі проблемалар айқындалды. Мақаланың қорытындысында коммерциялық құпияны қорғауды қамтамасыз етпеген жағдайда туындауы мүмкін салдарлар негізделе отырып, «Коммерциялық құпия туралы» заң қабылдау қажеттігі негізделді.