Қазақ әдебиетін оқытудағы коучинг және менторинг әдістерін қолданудың ғылыми-практикалық ерекшеліктері

Abstract

Бұл зерттеу жұмысында орта мектеп оқушыларына қазақ әдебиеті пәнінің оқу мазмұны қамтыған қазақ ақын-жазушыларының шығармаларын оқытуда коучинг және менторинг әдістерін қолданудың ғылыми-практикалық перспективасы қарастырылған. Әдебиет моральдық құндылықтарды насихаттау арқылы коучинг, менторинг, психология, тұлғалық даму, бизнес сияқты салалармен байланысады. Зерттеу бір айлық коучинг және менторинг курсында жасөспірімдердің дайындаған «өмірлік сценарийлерін» және әдебиеттің жаңа әдістер арқылы оқытудағы мүмкіншілігін анықтау мақсатында жүргізілген фокус-топ сұхбатын талдауға негізделген. Мақалада қазақ әдебиетін оқытуда коучинг/менторинг әдістерін енгізу оқушыларды алға қойған мақсаттарына, жетістіктерге жетуге көмектеседі деген қорытынды жасалған. Әдеби шығармаларды коучинг және менторинг әдістері арқылы оқыту отандық мектептерде бұрын соңды қолданылмаған. Мақала мұғалімдерге коучинг/менторинг әдістерін мектеп пәндерін оқытуда қалай қолданысқа енгізудің үлгісін көрсетеді.