Public Relations қызметінің негізгі принциптері

Abstract

Авторлар паблик рилейшнздің қоғамдық пікірді өзгертуіне əсер етіп жатқанын айтады. Пікірдің қарқындылығы, тұрақтылығы мен мəселеге сəйкес ақпарат ауқымының кеңеюінен PR саласын дамытудың қажеттігі көзделген. Өзге қызметтің түрлері тəрізді, PR өз мақсатына жету үшін түрлі əрекетті жүзеге асырады жəне тиімді басқарудың кез келген қызмет түрінің бөлінбес бөлшегі екенін авторлар нақты аша білген. Қоғаммен байланыстың əлемдік тəжірибесінде PR-дың бірнеше функционалдық ерекшеліктерін атап көрсетеді. РR-маманы үшін жаңалық пен корпоративтік материалдың аражігін айырудың мəні зор екендігі зерттелген. Материалды БАҚ-қа ақысыз жариялау үшін БАҚ-тың мұқтаждығын зерттеп, қанағаттандырумен қатар, онымен тығыз қарым-қатынас орнатып, тұрақты ақпарат көзіне айналу, БАҚ-қа арналған ақпаратты объективті түрде бағалай білу қажеттігі сараланған. Ақпараттық шикізаттан жүйелі, піскен ақпараттық өнім жасай білетін РR- маманы — нағыз кəсіби маман, оның кез келген материалы ақысыз жариялай алатындығын дəлелденген. Сондай-ақ мақалада Қазақстан Республикасындағы пиар-қызметтің бəсекелестікке қабілеттігін арттыру жолдары қарастырылған.