Этноэкологиялық зерттеулердің қалыптасуы мен дамуы мəселесіне

Abstract

Зерттеу жұмысының өзектілігі күмəн туғызбайды, алайда ғылыми əдебиеттерде этноэкологиялық зерттеулердің қалыптасу мен даму мəселесі теориялық жəне қолданбалы біліммен жəне əдіснамалық бағыттармен шектеулі болып келеді. Мақала авторлары осы «ақтаңдақтың» орнын толтырып, этноэкологияның қалыптасуына негіз болған білім салалары: шаруашылық-мəдени типтер, антропогеоценоз жəне этноэкожүйе, мəдениеттің бейімділік қызметі мен компоненттік құрамы, популяциялық ұзақ жасау оңтайлы бейімделудің индикаторы ретіндегі білімдердің жиынтығының қысқаша тарихына шолу жасайды. Аталмыш тақырыпқа қатысты этноэкологиялық бағыт туралы түсінік қалыптастырып, оның негізгі принциптерін ашып көрсетеді. Авторлардың өзіндік зерттеуі нəтижесінде этноэкологияның негізгі түсініктері жəне міндеттері бойынша көзқарастары қалыптастырылып, оның ғылым жүйесіндегі орны анықталып, даму кезеңдері айқындалып, этноэкологиялық зерттеулердің қалыптасуының жəне дамуының ерекшеліктері көрсетілді.