Қарағанды облысында туризм саласының дамуына әлеуметтік-экономикалық баға беру

Abstract

Бүгінде Қазақстанға шетелдік туристерді тарту бойынша республикалық және өңірлік деңгейлерде үлкен жұмыстар жүргізілуде. Қарағанды облысында имидждік саясат және облыстың туристік дестинацияларын дәріптеу саласында іс-шаралар іске асырылуда. Туризм индустриясының дамуын стратегиялық басқаруды жетілдіру мәселесі тақырыптың өзектілігін сипаттайтын зерттеулерге деген қызығушылықты арттыруды талап етеді. Атап айтқанда, стратегияны тұжырымдау проблемасы толық шешілмеген, туризмді дамыту стратегиясының стандарттары мен тиімділік көрсеткіштері тұжырымдалмаған, қабылданған стратегияны іске асыруға сыртқы және ішкі факторлардың әсерін өлшеу және ажырату проблемасы қарастырылмаған, қабылданған стратегияны іске асырудың тиімді тетігі жоқ. Мақалада Қарағанды облысында туризмді дамыту процесі сипатталған.