Заманауи қазақстандық қоғамның əлеуметтік-мəдени құндылықтарын жетілдіру

Abstract

Мақалада заманауи қазақстандық қоғамның əлеуметтік-мəдени құндылықтарын жетілдіру қарастырылған. Өтпелі қазақстандық қоғамда батыс елдерінің тұрақты əлеуметтік жүйелерінен айырмашылығы, əлеуметтік-мəдени өзгерістердің қарқыны əлдеқайда жоғары, сондықтан қоғамға деген нақты бағытын сақтай отырып, дамудың жалпы тенденциясын жоғалтпау керек. Қазақстанның басты міндеті — жаңғырту моделін неғұрлым тиімді, үнемді жəне ұтымды қолдану, оны өзіндік дəстүрлер мен заманауи прогрессивті құндылық жүйелерін біріктіру арқылы ұлттық негізге көшіру. Ол үшін əлеуметтік мəдени ортаның жан-жаққа бағытталған процесін жəне барлық институттарды түгел қамти алатын əлеуметтік жаңғыртудың «ұлттық формуласын» жасауымыз керек. Авторлар əлеуметтік зерттеу жүргізді, зерттеу нəтижесі қазақстандық қоғамдағы жаңғырту процестерінің салдарынан құндылық басымдықтарының белгілі бір өзгерісі орын алатындығын көрсетті. Жүргізілген зерттеуге сəйкес жас қазақстандықтардың негізгі құндылықтарына ақпараттық қоғамның құндылықтары да кіреді, олар адамның бейімделу механизмінің талдау қажетілігін тудырады. Жас қазақстандықтарда құндылықтар жүйесін қалыптасуы жеке таңдау негізінде жасалады жəне жаңа ақпараттық-коммуникациялық технологиялардың əсеріне бейімделеді. Авторлар қазақстандықтардың негізгі құндылықтары ең алдымен, қазақстандық қоғамның мəдениетіне тəн адами қатынастың жылулығымен байланысты, яғни рухани- адамгершілік сипатта деген тұжырымға келді.