Халықаралық менеджментте жаһандық көшбасшылық тұжырымдамасы: мəдени құндылықтар арқылы көзқарас

Abstract

Мақалада қоғамның тарихи даму үрдісiнде пайда болған мəдени құндылықтар жүйесi, жеке тұлғалардың қызмет барысында жəне жұмыс орнындағы iс-əрекетiне əсер етуi тұрғысынан алып қарағанда өте маңызды болып саналатындығы айтылған. Себебі артып келе жатқан жаһандану үрдісімен бірге кəсіпорындардың өзге мəдениет өкілдерімен құрған байланысы да тығыз өсуде. Бұл зерттеудің мақсаты халықаралық кəсіпорын басшыларының басқа мəдениеттерден келген адамдармен түсіністікті арттыру мақсатымен ортаға шыққан жаһандық көшбасшылық ұғымын сипаттау жəне қазақстандықтардың мəдени құндылықтары анықтау болып табылады. Гирт Хофштедтің ғылыми əдісін пайдалана отырып, авторлар мəдени құндылықтар классификациялық топтарға бөлінген жəне эмпирикалық зерттеу нəтижесінде қазақстандықтардың мəдени құндылықтары сандық индекстермен анықталған.