Қазіргі жағдайдағы бөлшек электрондық сауданың рөлі мен маңызы

Abstract

Мақалада компанияларға ішкі операцияларды тиімді жəне икемді жүзеге асыруға, жеткізушілермен тығыз өзара іс-қимыл жасауына жəне географиялық орналасуына қарамастан, тапсырыс берушілердің сұрауларына жылдам əрекет етуге мүмкіндік беретін электрондық сауданың рөлі, сондай-ақ өз тауарлары мен қызметтерін жаһандық нарыққа шығару мүмкіндігі қарастырылған. Автор электрондық сауданы дамыту мəселелерін анықтаған: кейбір тұтынушылардың сенімсіздігі; салықтық ынталандыру; құқықтық қамтамасыз ету; баға қалыптастыру; дамымаған инфрақұрылым. Мақалада Интернет-сатып алушылар сапасының негізгі көрсеткіштері ретінде орташа онлайн-шығыстар мен жасалатын сатып алу жиілігі болып табылатыны көрсетілген. Автор бөлшек тауар айналымының жалпы көлемінен Қазақстан Республикасының барлық бөлшек электрондық саудасының үлесін есептеген, сондай-ақ электрондық саудасы əлемдік сауда мен жалпы экономиканың дамуына елеулі əсер ететін елдерді анықтаған. Мақалада бөлшек электронды сауданы одан əрі дамытудың мынадай сипатты ерекшеліктері келтірілген: шығындарды қысқартуға жəне тауарларды өткізудің əлеуетті нарығын кеңейтуге ықпал етеді; тапсырыстарды өңдеуге, тұтынушыларға жеткізуге жəне сервистік қызмет көрсету деңгейіне байланысты өнім түрі мен шығындарға тəуелді; қазіргі заманғы жəне тұрақты туындайтын жаңа Интернет-технологияларды пайдалануға байланысты; сатып алушылар, олардың орналасқан жеріне қарамастан, бүкіл Жер шарынан тартылады.