Қазақ-ағылшын тілдеріндегі біріккен сөздер: кросс-мәдени ұқсастықтар

Abstract

Бұл мақалада қазақ және ағылшын тілдеріндегі біріккен сөздердің (compound words) құрылымдық, семантикалық және кросс-мәдени ерекшеліктері салыстырмалы түрде талданады. Зерттеу аясында екі тілдің сөзжасам жүйесіндегі аналитикалық және синтетикалық тәсілдердің ұқсастықтары мен айырмашылықтары айқындалып, эндоцентрлік, экзоцентрлік және копулятивті күрделі сөздердің лингвистикалық табиғаты қарастырылады. Қазақ тіліндегі аналитика–семантикалық сөзжасамның тарихи негіздері, оның ішінде силлабофонемалардың бірігуі арқылы туындаған көне номинациялар ғылыми еңбектерге сүйене отырып түсіндіріледі. Ал ағылшын тіліндегі compounding тәсілі арқылы жасалған сөздер жүйелі талданады. Зерттеу нәтижесінде екі тілдегі күрделі сөздердің жасалу жолдары мен мәдени-танымдық мазмұнының ортақ және ерекше қырлары көрсетіліп, кросс-мәдени ұқсастықтардың тілдік бейнедегі рөлі айқындалды.