Қазақ әдебиетіндегі визуалды мәтіндердің эстетикасы мен жанрлық сипаты

Abstract

Мақалада қазақ әдебиетіндегі комикс пен графикалық роман жанрларының қалыптасу үдерісі мен дамуы және педагогикалық мүмкіндіктері қарастырылады. Зерттеуде визуалды мәтіндердің ұлттық тарих пен мәдениетті жаңғыртудағы маңызы, кейіпкер психологиясын бейнелеудегі тәсілдері және тарихи-саяси оқиғаларды түсіндірудегі тиімділігі талданады. Әлемдік комикс теориясының өкілдері Уилл Айснер мен Скотт Макклауд тұжырымдары негізінде қазақ әдеби кеңістігіндегі визуалды мәтіндердің жанрлық табиғаты сараланады. Комикс жанрының институционалдық мойындалуы, ұлттық миф пен фольклорды визуалды тілде қайта танытудағы әлеуеті және білім беру тәжірибесіндегі орны ғылыми тұрғыдан негізделеді.