iNaturalist платформасын пайдаланып Getting Science тәсілі арқылы мектеп биология сабақтарына зерттеу элементтерін енгізу

Abstract

Мақалада мектеп биология сабақтарында зерттеу әрекетін ұйымдастырудың тиімді жолдары қарастырылады. Getting Science тәсілі мен iNaturalist платформасын кіріктіру арқылы білім алушылардың табиғатты ғылыми тұрғыда бақылау, деректер жинау және талдау дағдыларын дамыту мүмкіндіктері айқындалады. Оқу үдерісін тәжірибемен ұштастыру мақсатында цифрлық құралдарды қолданудың педагогикалық негіздері талданып, олардың зерттеушілік құзыреттілікті қалыптастырудағы рөлі сипатталады. Табиғи ортада жүргізілген бақылаулар білім алушылардың пәнге қызығушылығын арттырып, экологиялық жауапкершілігін қалыптастыруға ықпал ететіні көрсетіледі. Сонымен қатар, iNaturalist платформасының көмегімен алынған деректерді тіркеу мен жүйелеу оқушылардың ғылыми ойлауын дамытуға мүмкіндік беретіні анықталады. Ұсынылған тәсіл биология пәнін оқытуды тәжірибелік бағытта ұйымдастыруға және білім мазмұнын өмірмен байланыстыруға жағдай жасайды.