Физиканы оқыту барысында интерактивті технологияларды қолданудың тиімділігі

Abstract

Мақалада физиканы оқыту процесінде интерактивті технологияларды қолданудың тиімділігі қарастырылады. Зерттеу педагогикалық эксперимент аясында Nearpod, Lumio, Classroomscreen, Gynzy платформалары пайдаланылған және ХБ-23-1к тобының студенттерінің негізінде жүргізілді. Зерттеудің мақсаты-цифрлық білім беру құралдарының студенттердің үлгерімі мен белсенділігіне қалай әсер ететінін анықтау. Ол үшін студенттердің оқу процесіне деген қызығушылығын бағалау үшін кіру және шығу тестілері, сондай- ақ сауалнамалар ұйымдастырылды. Эксперимент нәтижелері эксперименттік топтағы орташа балл 62% - дан 90% - ға дейін, ал студенттердің қатысу деңгейі 50% - дан 80% - ға дейін өскенін көрсетті. Дәстүрлі әдістермен оқытылған бақылау тобында өсім аз болды: үлгерім бойынша 61% - дан 76% - ға дейін және қатысудың 47% - дан 45% - ға дейін төмендеуі. Зерттеу нәтижелері интерактивті технологияларды қолдану сабақтарды қызықты, көрнекі және тиімді ету арқылы оқу сапасын жақсартатынын растайды. Мақалада сонымен қатар цифрлық құралдарды білім беру процесіне біріктіру бойынша ұсыныстар берілген.