Цифрлық қоғамдағы тұлға болмысының ерекшеліктері жəне жауапкершілік мəселесі

Abstract

Мақалада цифрлық қоғамдағы тұлға болмысы, оның ерекшеліктері жəне жауапкершілік мəселесі қарастырылған. Цифрлық қоғамдағы тұлға трансформациясы, ақпараттық этика құрылымы, жауапкершілік ұғымы Э. Тоффлер, М. Маклюэн, Д. Белл, Л. Флориди, Р. Капурро, Р. Брейдің еңбектерін негізге ала отырып тұжырымдалды. Ақпараттық технологиялардың, желілік байланыстың дамуы нəтижесінде қалыптасқан тұлға ерекшеліктері мақалада айқындалған. Күннен күнге қарыштап дамып жатқан цифрлық əлемде ақпарат таратуға қатысты күрделі, этикалық мəселелер пайда болды. Олар азаматтардың ақпаратты қабылдау мен таратудағы жауапкершілігімен жəне міндетімен байланысты. Моральдық жауапкершілік қана емес, ақпараттық қауіпсіздік те өзекті мəселеге айналып отыр. Авторлар қазіргі цифрлық əлемде ақпараттық қауіпсіздік тек заңнамалық мəселе ғана емес, тұтас қоғамның тыныс-тіршілігіне əсер ететін əлеуметтік-философиялық мəселе екеніне назар аударған. Сонымен қатар, цифрлық қоғамға тəн негізгі рухани-адамгершілік құндылықтар тұжырымдалып, ақпараттық қоғамдағы этикалық мəселеге қатысты зерттеулердің негізінде ақпараттық жауапкершіліктің мəні мен маңыздылығы жəне оны зерттеудегі қалыптасқан көзқарастарға талдау жасалды.