Ағылшын жəне қазақ тілдеріндегі антоним компонентті фразеологизмдер (салғастырмалы талдау)

Abstract

Зерттеу жұмысының өзектілігі қазіргі таңдағы фразеологияны зерттеуге деген ғалымдардың қызығу- шылығында болып отыр. Ағылшын жəне қазақ тілдері əр құрылымды тілдер болғандықтан, фразеоло- гизмдердің жасалуында да əр тілдің өзіне тəн ерекшеліктері болатыны анық. Сондықтан антоним компонентті фразеологизмдерге салғастырмалы талдау жүргізудегі мақсат екі тілдің ұқсастықтары мен айырмашылықтарын олардың сөз таптарына қатысын зерттеу барысында анықтау. Зерттеудің ны- саны антоним компонентті фразеологизмдер болғандықтан, зерттеу барысында əртүрлі фразеология- лық сөздіктерден антоним компонентті фразеологизмдер іріктеп алынған. Сонымен қатар оларды ке- лесі құрылымдық-грамматикалық топтарға бөліп қарастырған: субстантивті, адъективті, адвербиалды жəне етістікті антоним компонентті фразеологизмдер. Зерттеуде антоним компонентті фразеологизм- дердің ұйытқы компоненттерінің морфологиялық көрінісі, фразеологизм құрамындағы компоненттер- дің синтаксистік байланыс түрлері талданған. Зерттеу нəтижесінде фразеологиялық сөздіктерден ірік- телініп алынған фразеологизмдердің қай сөз таптарына жататыны, олардың екі тілде қай түрі өнімді, қай түрі өнімсіз екені анықталды. Фразеологизмдердің белгілі бір сөз таптарына қатысын анықтауда олардың тұтастай алғандағы беретін мағынасына сүйенген.