Адамның жəне азаматтың мəдени құқықтарын қамтамасыз ететін халықаралық-құқықтық стандарттар

Abstract

Мақалада адамның жəне азаматтың мəдени құқықтарын қамтамасыз ету мен қорғау жөніндегі халыаралық-құқықтық стандарттар, оларды жүзеге асыруға мемлекеттердің қызметі бағытталуы керектігі зерттелген. Адамның мəдени құқықтарын қоғамның ең жоғары құндылығы ретінде жариялайтын жəне құбылыстың нормативтік негізін құрайтын халықаралық құқықтық дереккөздер тобы талданған. Адам құқықтары мен бостандықтарын қорғау саласындағы халықаралық құқық нормаларын тиімді мемле- кетішілік іске асырудың маңыздылығы атап өтілген. Сондай-ақ, мақалада адам мен азаматтың мəдени құқықтарын қорғаудың халықаралық стандарттарының сəйкестігі мəселелеріне назар аударылды. Жалпыға бірдей танылған құқық қорғау стандарттарын мемлекетішілік имплементациялаудың тиімділігін арттыру жолдары да белгіленеді. Мəдени құқықтарды əртүрлі халықаралық-құқықтық актілерде жəне Экономикалық, əлеуметтік жəне мəдени құқықтар жөніндегі комитет қабылдаған жалпыға ортақ түсініктемесінде түсіндіру қарастырылды. Негізгі халықаралық-құқықтық акт — «Экономикалық, əлеуметтік жəне мəдени құқықтар туралы халықаралық Пактіні» зерделеуге ерекше назар аударылған. Зерттеуде қазіргі кезеңде адамның мəдени құқықтарын қорғауда айтарлықтай халықаралық тəжірибе жинақталғаны анықталды. Автор мəдени құқықтар мен бостандықтарды ұлттық жəне халықаралық реттеу саласындағы кейбір өзекті мəселелерді егжей-тегжейлі қарастырылған, оларды жою мүмкіндіктерін талдап, құқықтық жетілдіруге тиісті ұсыныстар берді.