Қазақстан Республикасында күн энергиясын дамытуды мемлекеттік қолдаудың ерекшеліктері

Abstract

Мақсаты: Мақалада Қазақстан Республикасында күн энергиясын дамытуды мемлекеттік қолдаудың тетіктері кеңінен қарастырылған. Авторлар күн энергиясын дамытуды мемлекеттік қолдаудың қаржылық және қаржылық емес құралдарын зерттеген. Әдістері: Жалпы ғылыми зерттеу әдістерінің, сондай-ақ статистикалық және салыстырмалы талдау әдістерінің көмегімен күн энергиясын енгізудің бастапқы кезеңінде оны дамытуды мемлекеттік қолдау қажеттілігі туралы қорытынды жасалған. Пайдаланылған әдістер күн энергиясын дамыту жөніндегі ресми статистикалық мәліметтерден алынған нәтижелерге сүйенеді. Нәтижелері: Мақалада күн энергиясын пайдаланудың кең таралған тәсілдерін бөліп көрсететін ғалымдардың зерттеулеріне назар аударылады: оны қамтамасыз ету қарапайым және қоршаған ортаға әсері төмен. Мақала авторлары күн энергиясын мемлекеттік қолдауды дамытудың нақты бағыттарын анықтап берген. Қорытындылар: Күн энергиясын дамытуды мемлекеттік қолдау жүйесі заңнамалық деңгейде қаржылық және қаржылық емес құралдар арқылы реттеледі. Күн энергиясы дамуының ағымдағы жай-күйін талдау күн электр станциялары өндіретін электр энергиясы көлемінің жыл сайын ұлғайып отырғандығын көрсетеді. Күн энергетикасын одан әрі жетілдіру мақсатында күн электр станцияларын салудың ең оңтайлы орындарын анықтап табу қажет, бұл экономиканың, қоғамның, қоршаған орта мен климаттың теңгерімін талап етеді.