Академик В.В. Бартольд еңбектеріндегі Қазақстан көлдерінің гидронимиясы мен гидрографиясының мәселелері

Abstract

Мақала Қазақстан көлдерінің тарихи географиялық, оның ішінде гидронимиясы мен гидрографиясының мәселелеріне арналған. Академик В. В. Бартольд еңбектеріндегі Қазақстанның ірі көлдері туралы ежелгі дәуірлердегі, орта ғасырлардағы түрлі антикалық және қытай жазбаларын қолдана отырып, араб-парсы деректері негізінде жазған ғылыми жаңалықтары, талдаулары қазіргі кездегі топонимикалық, географиялық, тарихи ғылыми пайымдаулармен толықтырылған және ғалым еңбектерінің әлі де болса ғылыми тұрғыда құнды екендігіне көз жеткізілген. Яғни, Қазақстанның тарихи географиялық мәселелерін қарастыруда академиктің ғылыми мұрасының құндылығы көрсетілген. Алғаш рет ғалымның Қазақстан көлдері туралы пайымдаулары тарихи географиялық тұрғыда талдануы мақаланың өзектілігіне жатады. Сөз соңында академиктің ғылыми мұрасын зерттеу Қазақстанның тарихи уақыттардағы географиялық тұрпатын қалыптастыру мүмкіндігіне жол ашатындығы түйінделген.