Қазақстан аймақтарының экономикасын цифрландыруда ақпараттық-коммуникациялық технологияларды қолданудың кейбір мәселелері

Abstract

Мақсаты: Қазақстан аймақтарының экономикасын цифрландыруда ақпараттық-коммуникациялық техно- логияларды қолдану жағдайын талдау негізінде оны дамыту жолдарын ұсыну. Әдісі: Салыстыру, топтастыру, талдау, жіктеу, статистикалық әдістер, индукция, дедукция, экономикалық- математикалық әдістер және модельдеу сияқты ғылыми әдіснамалық тәсілдер мен зерттеу әдістері алынды. Қорытынды: Аймақтарда ақпараттық-коммуникациялық технологияларға сұраныс пен ұсынысты арттыру мақсатында аймақтың негізгі салаларының кәсіпорындары мен жергілікті ақпараттық-коммуникациялық техно- логия-компаниялар (ІТ-форумдар, цифрландыру күндері, хакатондар және т.б.) арасындағы өзара іс-қимыл ала- ңын ұйымдастыру бойынша жұмыстар жүргізу қажет. Аймақтық технопарктерді, зертханалар мен инкубатор- ларды аймақтың негізгі салаларына бағдарлау мүмкіндігін қарастыру. Тұжырымдама: Қазақстанда экономика салаларын цифрландыру және «Индустрия 4.0» элементтерін енгі- зу бойынша өсіп келе жатқан үрдісті ескере отырып, қазақстандық ІТ-компанияларын осы үрдіске тарту қарас- тырылады. Бұл ақпараттық-коммуникациялық технологиялар саласының жалпы қосылған құн көлемін ұлғайту- ға, өндірісте әртүрлі жүйелерді енгізуге арналған шығындарды азайтуға және меншікті әзірлемелерді кейіннен экспорттау үшін жергілікті ІТ-нарығының құзыретін ұлғайтуға мүмкіндік береді. Ақпараттық- коммуникациялық технологиялар негізінде экономиканы цифрландыру мәселелерін бағалау, аймақтардың эко- номикасын цифрландыруда ақпараттық-коммуникациялық технологияларды қолдануды талдау нәтижелерін зерттей отырып, Қазақстан аймақтарының экономикасын цифрландыруда ақпараттық-коммуникациялық тех- нологиялардың рөлін дамыту жолдарын ұсыну.