Қазақ мəдениетіндегі ізгілік-этикалық тəрбие мəселесі

Abstract

Кез келген қоғамда ізгілікті-этикалық тəрбие мəселесі маңызды міндеттердің қатарында. Мұндай тəрбиенің негізіне ұлттық мəдениеттің бойындағы рухани құндылықтарды жатқызамыз. Мақалада қазақ мəдениетіндегі ізгілікті-этикалық тəрбиенің негізі философиялық тұрғыдан пайымдалған. Авторлар ізгілікті-этикалық тəрбиенің мəнін ашу үшін халықтың тарихи-мəдени тамырына, салт- дəстүріне, рухани құндылықтарына тоқталған. Тəрбие — адам мен қоғамды жетілдіріп, кемелдендіре түсетін бірден-бір құрал. Адам мəдениет əлемін игерген сайын түрлі идеялар мен идеалды, тіл мен тəртіп, əдеп қағидаларын қабылдай бастайды. Білім, ізгілік, зияткерлік қасиет, рухани құндылықтар — адамның қоғамдағы өз орнын табудың кепілі. Сонымен қатар, тəрбие мəселелесі терең қарастырылған, тұлғаның ізгілігі мен этикасының, идеалының қалыптасуының астарында білім екендігін меңзеген халық ағартушылары мен Алаш зиялыларының еңбектеріне шолу жасалған.