Алаш қозғалысының қайраткері Хайретдин Болғанбаев: тарихтағы жеке тұлғаның рөлі

Abstract

Қазіргі кезеңде Отандық тарихнамада ХХ ғасырдың басындағы қазақ қоғамында орын алған тарихи үрдістерді және оның мәселелерін зерттеу өзекті әрі күрделі тақырыптардың бірі екендігі белгілі. Елі- міздің тарихында ХХ ғасырдың бас кезеңі ерекше орынға ие. Себебі, осы кезеңдегі қазақ халқының қоғамдық-саяси тарихы қазақтардың мүддесін қорғаған интеллигенциямен және Алаш қозғалысымен тығыз байланысты. Сондықтан мақаланың өзектілігі — ХХ ғасырдың бас кезіндегі қазақ интеллиген- циясының тәуелсіздік және дәстүрлі қоғамның санасын жаңарту үшін күресін, осымен бірге атқарған рөлін зерттеудің қазіргі уақыттағы Қазақстан Республикасының дамуы үшін қажеттілігімен айқында- лады. Егер, ХХ ғасырдың тарихына үңілетін болсақ, қазақ интеллигенциясы әйгілі жарқын тұлғалар- дың қалыптасуына әкелгендігі белгілі. Мұндай тұлғалардың бірі — Хайретдин Болғанбаев. Осы се- бептен мақаланың мақсаты — Хайретдин Болғанбаевтың ХХ ғасырдың басындағы қазақ қоғамының дамуы мен қайта құруларға қатысуын және қосқан үлесін анықтау.