ХІХ ғ. екінші ширегіндегі Қарқаралы уезінің экономикалық жағдайы

Abstract

ХІХ ғасырдың екінші жартысынан бастап Ресей империясы Қазақстанда отаршылдық тәртібін орнатты. Табиғи ресурстарға, мал шаруашылығы шикізатына бай қазақ өлкесі Ресей кәсіпкерлерінің назарын өзіне көптен бері-ақ аударған болатын. Метрополияның толқыны дамып келе жатқан кезде шикізат өнеркәсібі көздеріне, жұмысшы күшіне барған сайын мұқтаждық көре бастады. Сондықтан, жер қойнауындағы байлығы мол аймақты игеру басқарушы топтардан әкімшілік-билеушілік, тағы басқа әдістерді енгізуді талап етті. Осыған байланысты, мақалада қарастырылып отырған кезеңде Қарқаралы өңірінде болған экономикалық және әлеуметтік өзгерістерді зерттеуге арналған. Орыс шаруаларының қоныс аударуының әсерін, егіншілік пен мал шаруашылығындағы өзгерістерді талдауға, сонымен қатар өлкенің экономикалық дамуындағы орман шаруашылығының, сауданың, өндірістің, өнеркәсіптің рөліне көңіл бөлінеді.