Евней Бөкетов: ғылым мен руханияттың тоғысындағы феномен

Abstract

Ғылым мен руханият – адамзат өркениетін алға сүйреуші екі негізгі күш. Бұл екеуі бір адамның бойында үйлесе дамуы сирек кездесетін құбылыс. Әдетте ғылым саласының өкілдері нақты деректерге сүйенсе, руханият пен әдебиетке жақын жандар сезім мен ойдың үндестігіне ден қояды. Дегенмен кейде тарих сахнасына осы екі әлемді қатар игерген дара тұлғалар шығады. Осындай кемеңгерлердің бірі – академик Евней Арыстанұлы Бөкетов.Ол — техника ғылымдарының докторы, профессор, жазушы, аудармашы, публицист, әрі дарынды ұйымдастырушы. Ғылым жолында еңбек етіп қана қоймай, әдебиет пен мәдениетке де өлшеусіз үлес қосқан тұлға. Қарапайым ауыл баласынан бастап, Қарағанды мемлекеттік университетінің тұңғыш ректоры дәрежесіне дейін көтерілуі – тек еңбекқорлық пен парасаттылықтың нәтижесі ғана емес, үлкен жүректің, биік рухтың көрінісі. Бұл мақалада біз Евней Бөкетовтің өмір жолына, оның әдеби-публицистикалық мұрасына, адамгершілік болмысына және қазақ мәдениетіндегі орнына тоқталамыз. Сонымен қатар, ғылым мен руханият тоғысындағы феномен ретінде оның қазақ қоғамына жасаған ықпалына талдау жасаймыз.