Жамбыл облысы Жуалы ауданының жер-су атауларының ономастикасы

Abstract

Бұл мақала Жамбыл облысы Жуалы ауданының ономастикалық кеңістігін, атап айтқанда, жер-су атауларын (ойконимдер, гидронимдер, оронимдер) тарихи-лингвистикалық тұрғыдан 226 терең зерттеуге арналған. Жер-су атаулары - халықтың тарихи-мәдени мұрасының, салт-санасы мен әдет-ғұрпының терең сыр-сипатын танып білудегі құнды дереккөз. Жуалы өлкесінің топонимдері тарихи оқиғалардың, көшпелі мәдениеттің және табиғи географиялық ерекшеліктердің (аласа таулар, асулар, өзендер) өзара сабақтастығын көрсетеді. Зерттеу барысында ауданның нақты жер-су атауларын қамтитын негізгі тарихи-топонимикалық материалдар қолданылды. Мақала Жуалы ауданының Бауыржан Момышұлы ауылы сияқты қазіргі ресми атауларынан бастап, Торлан асуы, Арыс өзені, Шегір қамал сияқты тарихи-географиялық нысандардың этимологиялық түптөркіні мен тарихи- мәдени маңызын талқылайды. Зерттеу Жуалы ономастикасының құрылымы, мазмұны және қалыптасу принциптерін жүйелеуге бағытталған. Алынған нәтижелер Жуалы ономастикасының тарихи-мәдени құндылығын дәлелдеп, оларды қорғау мен одан әрі жүйелі зерттеудің қажеттілігін көрсетеді.