Шет ауданының ономастикалық кеңістігі: жер-су атауларының шығу тегі мен тарихи-мәдени маңызы

Abstract

Қарағанды облысының Шет ауданының ономастикалық атаулары өңірдің тарихи-мәдени ерекшеліктерін, географиялық жағдайын және халықтық дәстүрін көрсетеді. Ономастика -жер-су, таулар, өзендер мен көлдердің атауларын зерттейтін ғылым саласы. Шет ауданының жер-су атаулары негізінен қазақ халқының тұрмыс-салт дәстүрлеріне, тарихи оқиғаларға және табиғат ерекшеліктеріне байланысты қалыптасқан. Бұл мақалада ауданның негізгі ономастикалық атауларының шығу тегі, олардың мағынасы, зерттелу тарихы және ғылыми зерттеушілердің еңбектері талқыланады. Сонымен қатар, аудандағы өзендер мен көлдердің атауларының лингвистикалық ерекшеліктері қарастырылады. Жер-су атауларын жинақтау кезінде халық ауыз әдебиеті, тарихи деректер және қазіргі картографиялық мәліметтер пайдаланылды. Зерттеудің нәтижесінде Шет ауданының ономастикалық қорындағы атаулардың табиғатқа, тарихи оқиғаларға және мәдениетке байланысы айқын көрінді. Бұл жұмыс өңірлік зерттеулерге, география мен тарих сабақтарына арналған ғылыми-практикалық бағытқа үлес қосады.