Сом ежелгі түбірі: этимологиясы мен фразеологиялық семантикасы

Abstract

Бұл зерттеу қазақ тіліндегі «сом» түбірінің этимологиясын, семантикалық өзгерістерін және фразеологиялық жүйедегі рөлін талдауға арналған. Зерттеудің мақсаты — «сом» түбірінің тарихи дамуын айқындау, оның түркі тілдеріндегі фонетикалық өзгерістері мен фразеологиялық қолданысын анықтау. Осы мақсатқа жету үшін этимологиялық талдау, салыстырмалы-тарихи әдіс және морфемдік-компоненттік талдау қолданылды. Зерттеу материалы ретінде қазақ әдеби тілінің сөздіктері, фразеологиялық және диалектологиялық жинақтар, тарихи жазба ескерткіштер және түркі тілдеріндегі ғылыми еңбектер пайдаланылды. Зерттеу нәтижесінде «сом» түбірінің семантикалық эволюциясы мен фразеологиялық жүйедегі орны айқындалды. Сонымен қатар, оның когнитивтік және этномәдени аспектілеріне талдау жасалды. Бұл зерттеу қазақ лексикасы мен фразеологиясының тарихи дамуын тереңірек түсінуге мүмкіндік береді.