Туған жерінің ономастикалық атауы: Атырау қаласы мысалында

Abstract

Бұл ғылыми жұмыста Атырау қаласының ономастикалық атауы, оның шығу тарихы, этимологиясы және мәдени-тарихи негіздері зерттеледі. Атырау - Каспий маңы өңірінің ежелгі қалаларының бірі, тарихи кезеңдерде бірнеше атаулармен белгілі болған. Қала атауының өзгеруі өңірдің тарихи, саяси, әлеуметтік-мәдени дамуының көрсеткіші болып табылады. Зерттеуде Атыраудың «Жайық», «Гурьев», және қазіргі «Атырау» атауларының қалыптасу себептері, олардың тарихи деректермен байланысы және халық санасындағы орны талданады. Сонымен қатар ономастикалық атаулардың аймақтық идентификацияға, жергілікті тұрғындардың этномәдени болмысына әсері қарастырылады.Жұмыстың ғылыми құндылығы - Атырау атауының тек лингвистикалық емес, тарихиөркениеттік сипатын ашу, оның өңірлік тарихи процестермен байланысын көрсету. Зерттеу барысында тарихи деректер, картографиялық материалдар мен ономастика саласының теориялық еңбектері қолданылды. Алынған нәтижелер қала атауының бірнеше ғасырлық эволюциясын, оның саяси билік өзгерістерімен және экономикалық маңызымен сабақтас екенін дәлелдейді.Осы зерттеу Атыраудың ономастикалық жүйесі арқылы аймақтың өзіндік мәденитарихи келбетін, халықтың тарихи жадын және топонимдердің ұлттық бірегейлікті сақтаудағы рөлін анықтауға мүмкіндік береді.