Сапа функциясының таралуы əдісін университеттердегі білім беру сапасын көтеру үшін қолдану

Abstract

Білім беру жұмыстарының сапасын жақсарту жəне жетілдіру, барлық салалардағы сияқты, білім беру жүйесінде де ең маңызды мəселелердің бірі болып табылады. Халықаралық дəрежедегі білім беру сапасының көрсеткіштерімен салыстырғанда, Қазақстан Республикасының білім беру сапасын жақсарту мен арттыру жолында күрделі жол жүру керек екені анық. Сондықтан бұл зерттеу жұмысымызда Қазақстан Республикасының білім беру жүйесіндегі негізгі мəселе болып отырған сапа мəселесін жетілдіру мен арттыру, бұл салада жəне бұл мақсатта жасалған ғылыми-зерттеу жұмыстарына жəрдемші болу əрі бұл мəселенің шешуіне зор үлес қосу мақсатында білім беру жүйесін бір бүтін жүйе ретінде қарастыратын жүйелі бір сапаны жақсарту əдісі ретінде сапа функциясының таралуы (СФТ) əдісі қолға алынды. Сонымен қатар осы жұмыс арқылы СФТ əдісінің университеттерде дұрыс жүзеге асуы үшін қажетті түсініктердің өзгертілуіне жəне құрылатын жиынтық сапа мəдениетінің əкелетін пайдаларына назар аударылған.