Мұнай қабаты параметрлерiн нақтылау бойынша алынған сүзгiлеу теориясының бiр керi есебi туралы

Abstract

Мақалада нақты деректердi пайдалану кезiнде нақты уақыт режимiнде өнiмдi қабаттың коллектор- лық қасиеттерiн дәлiрек анықтауға мүмкiндiк беретiндей сүзгiлеу теориясының керi есебi зерттелдi. Бұл мақсатта ұңғымалар бойынша сұйық дебитiнiң, газ және қабат қысымының уақытқа тәуелдiлiгiнiң қажеттi шарттары анықталды және нақты мәлiметтер берiлiп, белгiлi бiр кен орнының, технологиялық кeрсеткiштерi қалпына келтiрiлдi. Тура және керi есептер шығарылды, оларды шешудiң алгоритмi ұсынылды. Сулы қабаттың облыс шеттерiнде жеткiзу, жеңiлдету және сүзгiлеу-сыйымдылық параметрлерiнiң шарттары қалпына келтiрiлгенде ұңғымалардағы J сәйкессiздiк функционалының азаюы қалпына келтiру және сәйкестендiру есептерiнiң дәйектi шешiмдерiн алудың жеткiлiктi шарты болып табылатындығы көрсетiлдi. Атырау облысы кен орындарында алынған мәлiметтер негiзiнде сандық тәжiрибелер жyргiзiлдi.