Қазақстандағы сайлауалды саяси коммуникация: теориялық шолу

Abstract

Мақалада дискурс және мәтін ұғымдарының теориялық аспектілері қарастырылып, олардың тілдік және коммуникативтік сипаттары салыстырмалы түрде талданады. Дискурс нақты коммуниканттар арасында, белгілі бір уақыт пен кеңістікте жүзеге асатын сөйлеу әрекеті ретінде анықталып, мәтінге айналу процесі зерттелген. Мәтіннің тұтастығы, динамикасы және әлеуметтік-мәдени контексте өзара байланысы, сондай-ақ дискурстың құрылымдық ерекшеліктері мен коммуникативтік функциялары қарастырылады. Зерттеу барысында дискурстың мәтіннен айырмашылықтары, оның динамикалық сипатқа ие екендігі, әлеуметтік және когнитивтік аспектілерге тәуелділігі анықталады. Сонымен қатар, дискурсты зерттеуге арналған ғылыми еңбектер құрылымдық, адресаттық және коммуникациялық бағыттар бойынша жіктеледі. Мақала тілдік деректер арқылы адам танымы мен ойлау жүйесін зерттеу перспективаларына назар аударады.