Ақмола облысының ономастикасы

Abstract

Бұл мақалада Ақмола облысының ономастикасын зерттеу мен аймақтың тарихи топонимдерін қалпына келтіру мәселелері қарастырылды. Өңірдегі жер атауларының өзгеруі мен олардың тарихи негіздерін анықтаудың мемлекеттік тіл саясатын іске асырудағы және ұлттық мәдениетті сақтаудағы мәні талданды. Ақмола облысы аумағында көптеген көне атаулар топографиялық карталар мен тарихи құжаттарда ғана сақталғаны көрсетіліп, оларды жинақтау және ресми түрде бекіту қажеттілігі негізделді. Топонимдерді картаға түсіру әдісі аймақтың ономастикалық кеңістігін қалпына келтіруге, атаулардың таралу заңдылықтарын анықтауға және тарихи атаулар жүйесінің даму кезеңдерін көрсетуде тиімді құрал екені атап өтілді. Қазіргі геоақпараттық технологиялар Ақмола облысының топонимиясын зерттеуді жаңа деңгейге көтеріп, жоғалған атауларды қайта жаңғыртуға мүмкіндік беретіні де көрсетілді.