Қазіргі бұқаралық мәдениеттегі әсер ету құбылыстары: рухани тәжірибелер және эзотерика

Abstract

Мақалада бұқаралық мәдениеттің күрделі әрі көпқырлы феномені оның кроссмәдени көріністері тұрғысынан қарастырылған. Заманауи модернизацияланған қоғамдарда кеңінен таралған мәдени формалардың бірі ретінде эзотеризмді пәнаралық және ғылыми-сыни тұрғыдан зерттеуге басымдық берілген. Авторлардың зерттеу өзегі ақпараттық-коммуникативтік жүйелердің цифрлық әлемінде және модернизацияның өзге де мәдениет қалыптастырушы жетістіктері жағдайында бұқаралық мәдениеттің аксиологиясының философиялық-антропологиялық негіздерін талдауға бағытталған. Ақпараттық ғаламдану жағдайында мәдениеттердің көпөлшемді диалогымен байланысты жаһандық метамәдениеттің қалыптасу үдерісі аясында эзотеризмнің әдіснамалық дискурсы сарапталған. Қазіргі мәдени-тарихи дамудың жаңа жаһандық әлемдік тәртіптің орнығуымен астасып жатқаны және оның адамзаттың болашақтағы өмір сүру мүмкіндігін айқындайтыны жөнінде жинақтаушы қорытынды жасалған. Сонымен бірге, жаһандану мәдени көптүрліліктің бірлігін қамтамасыз ететін әрі адамзатты мәдениет қалыптастырушы субъект ретінде шынайы интеграциялаудың оңтайландырушы тетігіне айналуы тиіс екендігі атап өтіледі.