Орталық Қазақстандағы жер су атауларының кезеңдік қалыптасуымен тарихи туындау себептері.

Abstract

Мақалада еліміздің жекелеген өңірлеріндегі оның ішінде Орталық Қазақстандағы жер су атауларының кезеңдік қалыптасуымен тарихи туындау себептері, географиялық атаулардың шығу тегімен қалыптасуы және оларды жан-жақты зерттеудің ғылыми, саяси және іс-тәжірибелік мәні бар маңызды мәселелер қамтылады. Географиялық атауларда қоғамдық құрылыстың, мемлекеттің ұлттық саясатындағы өзгерістер көрсетіліп, географиялық зерттеулер мен ашылулардың маңызы айқындалынады. Географиялық атаулар географияның міндетті бір құрамдас бөлігі, олар кеңістіктегі заттар мен құбылыстардың географиялық заңдылықтарын, нысандардың географиялық орнын анықтауда және оларды салыстыруда кең түрде пайдаланылады. Атаулардың мағынасын түсіну мақсатында жергілікті географиялық терминдермен жұмыс жасаудың маңызы зор. Сондықтан жұмыста өлкетану материалдары негізінде жергілікті жердің топонимдері, ойконимдері, гидронимдері, оронимдері және т.б. зерттелінді. Терминдермен жұмыс жасай отырып, оларға ғылыми әдістемелік тұрғыдан сипаттама жасалынды және ғылыми баға берілді. Жұмыстың мақсаты осы үрдістерге кезеңдік және қазіргі даму тенденцияларын ашып көрсету болып табылады.