Отырар жəдігерлеріндегі ою-өрнектер

Abstract

Мақалада ежелгі жəне орта ғасырлардағы Отырар қаласының жəне онымен іргелес жатқан отырар-қаратау мəдениетіне жататын ежелгі қалашықтардың орнынан табылған заттардағы ою-өрнектер жəне ХІХ–ХХ ғғ. халық қолданбалы өнерінің жəдігерлері жүннен, ағаштан, сүйектен, металдан жасалған заттар мен зергерлік бұйымдардағы ою-өрнек түрлері зерттелген. Отырар өңірінен археологиялық қазба жұмыстары барысында табылған саздан жасалған құмыра, саптыаяқ, тостаған, табақ, хум, кесе т.б. ыдыстардағы, алтын, күміс, мыс теңгелердегі, шыныдан, металдан жасалған заттардағы отырар-қаратау мəдениеті деген атпен танылған əсем ою-өрнектер мен ұлттық қолөнеріміздің озық үлгілері ХІХ–ХХ ғғ. этнографиялық заттардағы ою-өрнектер қала мəдениеті мен экономикасы, ғылымы мен өнері, қоғамның дамуы жайында мол мағлұмат бере алатыны баяндалды. Қазақстанның музейлеріндегі қойылған осы заттардағы ою-өрнектерге қарап көшпенділер атанған қауымның ғылыми пайымы мен рухани өресі аса жоғары болғандығы байқалады.