Абай Құнанбайұлы мұрасын танудың тарихнамалық кезеңдері: алаштан кеңес дәуіріне дейін

Abstract

Тарихшы академик Х. М. Әбжанов «тұлғасыз ел жетім» дегендей елі мен халқының бәсекелестік қабілетін арттыратын, ілгерілей дамуына қажетті жаңашылдықты, сабақтастық пен жалғастықты қамтамасыз ететін, сын-қатерден аман есен алып шығуға септесетін мәңгілік мұра иесін тұлға болып табылады. Қарақан басының ғана қамын жейтіндер ешқашан тұлға биігіне көтеріле алмайды. Ұлт ұстазы Ахаң айтқандай, «Адамға ең қымбат нәрсе - жұрт қамы, жұрт ісі» [1, 5 б]. Ұлттық тарихымызда тұлға биігінен көрінгендер шоғыры баршылық. Бұлар халықтың күші мен ақылын жасампаздықпен ортақ іске жұмылдыра алғандықтан тарихи жадымызда мәңгілікке жазылады. Абай Құнанбаев мұрасын тану үдерісі тарихнамалық тұрғыдан үш негізгі кезеңге бөлінеді: революцияға дейінгі зерттеулер, кеңестік кезеңдегі еңбектер және тәуелсіз Қазақстан кезеңіндегі ғылыми талдаулар.