Қалалық инфрақұрылымның инновациялық дамуын басқарудың негізгі бағыттары мен жетілдіру жолдары

Abstract

Мақалада Нұр-Сұлтан қаласының мысалында қаланың инновациялық дамуын жəне оның инфрақұрылымын басқару мəселелерінің негізгі бағыттары мен жетілдіру жолдары қарастырылды. Мақаланың негізгі мақсаты қалалық инфрақұрылымды инновациялық тұрғыда дамытудың өңірлік инвестициялық, өнеркəсіптік, көліктік жəне экологиялық саясатын тиімді түрде жүзеге асыру, сонымен қатар, шағын жəне орта бизнесті мемлекеттік қолдау мен дамыту арқылы қалалық инфрақұрылымды инновациялық дамыту ерекшеліктерін мен мəселелерін анықтау жəне талдау болып табылады. Нұр-Сұлтан қаласының үлгісінде қалалық инфрақұрылымды инновациялық дамытудың аталған саясат түрлерін жүргізу жағдайының жəне өңірдегі шағын жəне орта бизнестің қазіргі уақыттағы даму көрсеткіштері туралы тиісті органдардың статистикалық деректері келтірілген. Мақаланың теориялық негіздері ондағы қарастырылған негізгі ой-пікірлер мен ұсыныстар, пайымдаулар мен қорытындылар инновациялық дамуды басқару теориясына белгілі бір үлес қосады жəне қаланың жəне оның инфрақұрылымының инновациялық дамуын тиімді басқару кезінде пайдаланылуы мүмкін. Себебі, мұндағы тиімді басқару теориясы қаланың тұрақты экономикалық өсуін қамтамасыз ету үшін жəне оның инфрақұрылымының инновациялық дамуын басқарудың негізгі мазмұнын, құрылымы мен қызметтерін, əдістері мен нысандарын үнемі түрлендіре түседі.