ХХ ғасырдың 50–90 жж. Қытай мен Пəкістан арасындағы қарым-қатынастардың қалыптасуы

Abstract

Мақалада өзекті мəселе ретінде Қытай мен Пəкістан арасындағы өзара қатынастардың дамуы қарастырылды. Қазіргі кезеңде Қытай Шығыс Азияда, ал Пəкістан Оңтүстік Азия аймақтарында маңызды рөл атқарады. Қытай мен Пəкістан жалпы халықаралық жағдайға жəне аталған аймақтардың əскери-саяси жəне экономикалық ахуалын қалыптастыруға елеулі əсер ететен мемлекеттер болып саналады. Сондықтан екі ел арасындағы қатынастардың алғышарттарын қарастыру өзекті мəселелердің бірі болып отыр. Авторлар ҚХР мен Пəкістан арасындағы өзара əрекеттестіктің нығаюына ықпал ететін бірқатар маңызды факторларды анықтады. Сонымен қатар екі мемлекеттің бір-бірімен жақындасуының себептеріне талдау жасаған. Қытай-пəкістан қатынастарындағы үнді факторына ерекше назар аударған жəне екіжақты байланыстардың қалыптасуы мен дамуына ықпал еткен нормативті-құқықтық негізіне талдау жасаған. Сондай-ақ ҚХР мен Пəкістан арасындағы қатынастардың дамуына əсер ететін барлық қажетті жағдайлардың бар жəне бұл жағдайлар екіжақты қатынастардың дамуына ықпал етіп, аймақаралық жүйенің қалыптасуына əсерін тигізді деген тұжырымға келді.