Сын сапарында сомдалған сыншы

Abstract

Мақалада қазақ əдебиеттануы мен сынының ауыр жүгін көтерген, халықтық мүддеге сай өркен жаюына еңбек еткен, кер замандағы кереғар қағидалардың таяғын жей жүрсе де ұлттық ғылыми зерттеушілік жəне сыншылдық-эстетикалық ой-пікірдің дамуына мол үлес қосқан əдебиетші- ғалымдардың бірі – Тұрсынбек Кəкішев сыншылдығы қарастырылды. Евроцентристік көзқараспен жоққа шығарылып келген тарих алдындағы кезеңді, ұлттық əдебиеттану ғылымының бастауларын алғаш қарастырған профессор Т.Кəкішев болды. Т.Кəкішев сан-салалы ғылыми ізденістердің нəтижесінде əдебиет тарихында өзіндік орны бар, бірақ əр түрлі себептермен айтылмаған, ұмтылуға жақын қалған есімдерді уақыт тозаңынан тазартып, əдеби айналымға əкеп қосты.