Есімі қазаққа мəлім болған, сөзі үш жүзге тəлім болған дүлдүл əнші-ақын Үкілі Ыбырай

Abstract

Өткен ғасырдың көрнекті ақыны, əншісі жəне композиторы Ыбырай Сандыбайұлының шығармашылық қызметіне сипаттама берілген. Оның ақындық дарыны ерте байқалып, ерте қалыптаса бастағандығы баса айтылған. Ыбырайдың көптеген лирикалық өлеңдердің авторы екендігі көрсетілген. Ақын атағының елге кеңінен жайылуы, оның халық арасында төрт нұсқада таралған əйгілі «Гəкку» əнімен байланысты екендігіне көңіл бөлінген. Əрі ақын, əрі əншінің турашылдығы, тапқырлығы, батылдығы, шешендігі дəстүрлі суырып салма ақындық өнерге сапалы талаптар əрі үлгі болып табылатындығы пайымдалған. Ақын өз шығармаларында махаббат толғаныстарын, туған өлкенің сұлу табиғатын, білімнің күшін жырлап, халықты рухани тазалыққа, əділеттілікке, шындыққа шақырғандығы дəріптелген. Ыбырайдың шығармашылық өмірі сан қырлы екендігін, ал оның өзінің əрі ақын, əрі композитор, əрі əнші болғандығы дəлелденген.