Women of Central Kazakhstan during the Great Patriotic War

Abstract

Аталмыш зерттеудің жаңашылдығы Орталық Қазақстан тұрғындарының майдандарға қатысуы бойынша сандық көрсеткіштерді нақтылау қажеттілігімен өзекті. Қазақстандық тарихнамаға талдау бүгінгі күнге дейін əлі соғысқа аттанған қазақстандық əйелдердің (республика бойынша да, Қазақстан аймақтары бойынша да) нақты санының жоқ екендігін көрсетеді. Мақалада КСРО бойынша соғыстың əртүрлі кезеңдерінде майданда 600 мыңнан 1 миллионға дейін əйелдердің қатысқандығы туралы атап көрсетіледі, үнемі қайталанатын майданға шақырылған 5183 қазақстандық əйел туралы сандық мəлімет нақтылауды қажет етеді. Ұлы Отан соғысы басталысымен ҚазКСР əскери комиссариаттарында ерлермен қатар соғысқа жіберу туралы өтініштерді он мыңдаған əйелдер де жазды, олар еріктілердің 40 %-н құрады. Мақалада қазақстандық мұрағат материалдарының негізінде Қазақстан əйелдерінің Ұлы Отан соғысының майдандарына қатысу тарихы туралы баяндалады. Қазақстандық əйелдер мен қыздардың жекелеген тағдырлары мен соғысқа қатысу тарихы қарастырылған.