Еңбек философиясындағы өзін-өзі жүзеге асыру идеясы

Abstract

Мақалада еңбек философиясындағы өзін-өзі жүзеге асыру идеясы қарастырылған. Негізгі зерттеу ба- ғыты қызметкерлердің өзін-өзі жүзеге асыруға деген жеке ұмтылыстары мен қазіргі жұмыс ортасында ұсынылған шектеуші факторлар арасындағы қатынастарды жан-жақты қарастыруға бағытталған. Тео- риялық және эмпирикалық әдістерді қамтитын көп өлшемді тәсілді қолдана отырып, еңбектің құры- лымдық, психологиялық және әлеуметтік аспектілері жеке өзін-өзі жүзеге асыру үрдісіне қалай әсер ететіні зерттелген. Зерттеудің эмпирикалық бөлігі қызметкерлердің әртүрлі топтары арасындағы са- палық және сандық сауалнамалардан алынған мәліметтерге негізделген. Бұл деректер қызметкерлер- дің ішкі тәжірибесі мен олардың кәсіби рөліне деген қарым-қатынасын анықтауға, сондай-ақ олардың өзін-өзі жүзеге асыруына ықпал ететін немесе кедергі келтіретін негізгі факторларды анықтауға кө- мектесті. Кейс-стади қызметкерлердің алдында тұрған мәселелер мен оларды шешу стратегиялары- ның нақты мысалдарын ұсынуға ықпал етті. Әрбір қызметкердің бірегей сипаттамалары мен қажетті- ліктерін ескере отырып, оның әлеуетін іске асыруға ықпал ететін басқару мен ұйымдастырушылық дамудың жаңа модельдерін интеграциялау тетіктері туралы мәселе ерекше өзекті болып қала береді. Осы талдау негізінде әзірленген әдістер мен ұсыныстар қызметкерлердің өзін-өзі жүзеге асырудағы жеке қажеттіліктеріне жақсы бейімделу үшін ұйымдық ортаны оңтайландыруға бағытталған. Автор қазіргі заманғы еңбек философиясы тұрғысында әрбір топ мүшесінің өзін-өзі толық жүзеге асыруына ықпал ететін ортаны құруға ұмтылатын ұйымдар үшін құнды түсініктерді ұсынған.